Apple MacBook Pro M5 ගැන හැමදේම

Apple සමාගම විසින් නවතම අඟල් 14 MacBook Pro Macbook පරිගණකය M5 chip එක සමඟ 2025 වසරේදී ඉදිරියට හඳුන්වා දුන්නේ, පසුගිය මොඩල වල වගේ ප්‍රධාන සැකැස්ම වෙනස් කිරීම වෙනුවට කාර්යක්ෂමතාව වැඩිදියුණු කිරීම මත ය. පළමුවෙන්ම බලන විට මෙය පෙර Macbooks වලට සමාන පෙනුමක් ලබා දුන් නමුත් ඇතුළත ඇති තාක්ෂණය විශේෂ වේ. නව M5 chip එක මත පදනම් වූ මෙම MacBook Pro මොඩලය, වේගවත් CPU කාර්යක්ෂමතාව, වැඩි දියුණු කළ ග්‍රැෆික්ස්, නවීන AI පහසුකම සහ power optimization හෙවත් ශක්ති කලමනාකරනයින් සමන්විත වේ. 

පළමුවෙන්, මෙලෙස අප වෙත ලැබෙන M5 Macbook එක යනු දැනට ඇති බලවත්ම Macbook එක නොවන බව දැනගත යුතු වේ. Apple ආයතනය විසින් පෙර වසරේ එනම් 2024 හි නිකුත් කල MacBook Pro M4 Pro යනු මේ වන විට ඇති බලවත්ම Macbook එක ලෙස හැඳින්වීමට හැකි වේ. මෙයට හේතුව එය බලගන්වෙනුයේ Pro chip එකකින් විමයි .  නමුත් 2025 වසරේ නිකුත් වූ Macbook Pro හි බලාගැනීමට හැකි වනුයේ M5 සාමාන්‍ය Chip එකකි. එනම් Macbook Pro M5 වේ . Macbook Pro M5 Pro සංස්කරණ මෙම වසරේදී (2026 අවසානයේ) නිකුත්වීමට නියමිත වේ. එම නිසා වසරක් පැරණි වුවද, Macbook Pro M4 Pro සංස්කරණය රු.100,000 ක් පමණ වැඩි මුදලකට තවමත් අලෙවි වේ (24GB 512GB)

M5 chip එක 10-core CPU එකක් සමඟින් performance cores සහ efficiency cores එකට මිශ්‍ර කර ඇති අතර, 10-core GPU එකක් සහ දෘඩාංග මත AI කාර්යයන් සඳහා Neural Engine එකක් සමගින් ශක්තිමත් පද්ධතියක් ද ඇතුළත් කර ඇත. ප්‍රායෝගික භාවිතයේදී, මෙම ලැප්ටොප් එක ඉතා වේගවත් හා ප්‍රතිචාරශීලී බවක් දක්වයි. යෙදුම් වහාම විවෘත වන අතර (Application Startup/Load time), බහුකාර්ය ක්‍රියාකාරකම් (Multi Tasking) මෘදු ලෙස සිදු වන අතර 4K වීඩියෝ සංස්කරණය හෝ coding වැනි බරින් වැඩි ක්‍රියාකාරකම් සම්පූර්ණයෙන්ම ගැටලු රහිතව ක්‍රියාත්මක වේ. Geekbench 6 පරීක්ෂණ වලදී single-core ලකුණු 4000 පරාසයේ සහ multi-core ලකුණු 18,000 ට ආසන්නව ලැබී ඇති අතර, M5 chip එක අද වන විට ඉතා වේගවත් ලැප්ටොප් චිප් අතරට අයත් වේ. Macbook Pro M5 Macbook එක තනි Fan එකක් සහිතව ක්‍රියාත්මක වුවද, අතිශය හොඳින් Heat management සිදු කරනු දැකිය හැකි වේ. එලෙසම සෑම GPU Core එකක් තුලම ඇති neural accelarators තුලින් වැඩි AI performance එකක් ලබාදෙන අතර මෙහි ප්‍රතිපලයක් ලෙස Locally AI modals run කිරීම ගොඩක් පහසු වනු ඇත.

MacBook Pro M5 හි විශේෂම දෙයක් ලෙස එහි තිරය (display) පෙන්වා දිය හැක. අඟල් 14.2 Liquid Retina XDR පැනලය වෙළඳපොළේ ඇති හොඳම ලැප්ටොප් තිර අතරින් එකක් වන අතර, ඉහළ ප්‍රබලත්වය, නිවැරදි වර්ණ, HDR සහ ProMotion තාක්ෂණය 120Hz දක්වා සහය දක්වයි. වීඩියෝ සංස්කරණය, ග්‍රැෆික් නිර්මාණය හෝ වෙබ් පිටු පරික්‍ෂණය කිරීමේදී මෙම තිරයේ ගුණාත්මකභාවය වහාම පෙනේ.

බැටරි කාලය තවමත් විශාල වාසියක් ලෙස පවතී. Apple සමාගම පවසන්නේ වීඩියෝ නැරඹීම සඳහා පැය 24 දක්වා බැටරි කාලයක් ලබා දෙන බවයි. ප්‍රායෝගික භාවිතයේදී වෙනස් වුවත්, බොහෝ පරිශීලකයින්ට සම්පූර්ණ දිනයක් හෝ ඊටත් වැඩි කාලයක් පවා මෙය සපයයි. එමනිසා ගමන් මගින් වැඩ කරන ශිෂ්‍යයින් සහ වෘත්තීය පුද්ගලයින්ට මෙම MacBook Pro M5 Macbook විශේෂයෙන් ආකර්ෂණීය වේ.

Ports ගැන සැලකීමේදී Apple ආයාතනය වැඩි සැලකිල්ලක් දක්වා ඇති බව පෙනේ. MagSafe 3, HDMI, SD කාඩ් රීඩරය, ත්‍රිත්ව Thunderbolt 4 පෝට් සහ හෙඩ්ෆෝන් ජැක් ඇතුළත් වේ. එනම්, Macbook එක charge වීමේදී පවා Type c ports තුනක් නිදහස්ව පවතී. එසේම external displays දෙකක් දක්වා සම්බන්ද කිරීමට හැකි අතර මෙහිදී 6K 60Hz තිර දෙකක් දක්වා හෝ 6K 60Hz තිරයක් සමග 4K 144Hz තිරයක් එක වර සම්බන්ද කිරීමට හැකියාව ඇත. 12MP Center Stage කැමරාව, ශක්තිමත් ස්පීකර් සහ ඉහළ තත්ත්වයේ යතුරුපුවරුව හා ට්‍රැක්පෑඩ් එකත් මෙහිදී අවධාරණය කල යුතුමය.

මිල ගණන් සැලකීමේදී Pro-chip මොඩල වලට වඩා අඩු ආරම්භක මිලකට පවතින අතර, 16GB RAM සහ 512GB storage සමඟ මූලික M5 version එක බොහෝ මිලදී ගන්නන්ට වටින තේරීමක් වේ. M4 Pro සමඟ සාපේක්ෂව බලන විට, අතිශය multi-core කාර්යක්ෂමතාව අවශ්‍ය නොවන පරිශීලකයින්ට M5 මොඩලය දෛනික වේගවත් කාර්යක්ෂමතාව, හොඳ බැටරි කාලය සහ අනාගත AI හැකියාවන් සමඟ සම්බන්ධිත යන්ත්‍රයක් ලෙස වඩාත් වටිනාකමක් ලබා දේ.

සමස්ත වශයෙන්, MacBook Pro M5 මොඩලය සම්පූර්ණයෙන්ම නව සැලසුමක් නොවුවත්, තේරුම්ගත යුතු යාවත්කාලීන කිරීමක් ලෙස සැලකිය හැක. එය ඉහළ කාර්යක්ෂමතාව, හොඳ බැටරි කාලයක් සහ අද දින ලැප්ටොප් වලින් ලබා ගත හැකි හොඳම තිරයක් එක්ක එක්ව ඉදිරිපත් වේ. Intel හෝ පළමු Apple Silicon මැක් මොඩල වලින් යාවත්කාලීන වීමට සූදානම් අයට MacBook Pro M5 2025 වසරේදී අනිවාර්යෙන් සැලකිය යුතු තේරීමක් වනු ඇත. 

SL Geek සිදු කල MacBook Pro M5 Review එක පහලින් නැරඹිය හැක.