හොලිවුඩ් නව පරම්පරාව වෙනුවෙන් AI Film School එකක්

කෘත්‍රිම බුද්ධිය හොලිවුඩ් සිනමා කර්මාන්තය වේගයෙන් වෙනස් කරමින් සිටින අතර, ඒ සමඟ නව වෘත්තීය අවස්ථාද බිහිවෙමින් පවතී. මේ වෙනසට අනුගත වීමට “Curious Refuge” නමින් හඳුන්වන online AI film school එකක් ලොව පුරා සිනමා හා ප්‍රචාරණ ක්ෂේත්‍රයේ වෘත්තිකයන්ට නව කුසලතා ලබාදෙමින් සිටී. 2023 මැයි මාසයේ ආරම්භ වූ මෙම AI film academy එක, මේ වනවිට ලොව රටවල් 170කට අධික ප්‍රමාණයකින් සිසුන් 10,000කට වැඩි පිරිසක් ආකර්ෂණය කරගෙන ඇත. Caleb Ward සහ Shelby Ward විසින් ආරම්භ කළ මෙම පාසල, AI භාවිතයෙන් documentary, narrative filmmaking සහ advertising වැනි ක්ෂේත්‍රවල පාඨමාලා ලබාදේ. පාඨමාලා 11 භාෂාවන්ගෙන් ලබා දෙන අතර, සිසුන්ට තමන්ගේ වේගයට ඉගෙන ගැනීමට අවස්ථාව සලසන pre-recorded online පද්ධතියක් භාවිතා කරයි.

 Hollywood visual effects ක්ෂේත්‍රයේ වසර ගණනාවක් සේවය කළ Michael Eng වැනි වෘත්තිකයන්, machine learning සහ AI tools පිළිබඳ අත්දැකීම් නොමැති වීම හේතුවෙන් රැකියා අවස්ථා අහිමි වීමෙන් පසු, තම වෘත්තිය නැවත ගොඩනැගීමට මෙම පාසලට යොමු වී ඇත. ඔහු පවසන්නේ AI tools ඉගෙන ගැනීමෙන් පසු නව රැකියා අවස්ථා ඉක්මනින්ම ලැබුණු බවයි. කෙසේ වෙතත්, හොලිවුඩ් කර්මාන්තයේ සියලු දෙනාම AI පිළිබඳ ධනාත්මක නොවේ. AI මගින් නිර්මාණය කරන ලද “Tilly Norwood” නම් virtual actress පසුගිය වසරේ හඳුන්වාදීමත් සමඟ, SAG-AFTRA නළු සංගමය වැනි ආයතන AI මගින් මානව රංගන ශිල්පීන් ප්‍රතිස්ථාපනය කිරීම පිළිබඳ විවේචන ඉදිරිපත් කර ඇත. 2024 වසරේ සිදුකළ අධ්‍යයනයක අනුව, generative AI හේතුවෙන් 120,000කට ආසන්න සිනමා සහ animation රැකියා 2026 අවසන් වනවිට බලපෑමට ලක් විය හැකි බවට අනාවැකි පළ වී තිබේ. එහෙත් සමහර විශේෂඥයන් පවසන්නේ AI හේතුවෙන් රැකියා කිහිපයක් අහිමි විය හැකි වුවත්, නව රැකියා සහ නව කලාකරුවන් සඳහා දොරටු විවෘත වන බවයි. WME talent agency හි digital strategy ප්‍රධානී Chris Jacquemin පවසන්නේ AI නිසා නිර්මාණාත්මක ව්‍යාපෘති ආරම්භ කිරීමට ඇති ආර්ථික බාධා අඩුවන බවයි.

Curious Refuge පසුගිය වසරේ AI entertainment studio එකක් වන Promise විසින් අත්පත් කර ගනු ලැබීය. Promise සමාගම AI-ආධාරිත නිෂ්පාදන ක්ෂේත්‍රයේ නව කලාකරුවන් හා නිර්මාණකරුවන් සොයා ගැනීම සඳහා මෙම පාසල talent pipeline එකක් ලෙස භාවිතා කරයි. USC Entertainment Technology Center හි AI සහ Neuroscience අංශයේ නායක Yves Bergquist පවසන්නේ AI පිළිබඳ අධ්‍යාපනය මේ මොහොතේ විශාලම අවස්ථාවක් බවයි, මන්ද මෙම තාක්ෂණය ඉතා සංකීර්ණ සහ වේගයෙන් වෙනස් වන එකක් වන බැවින්. AI මගින් සිනමා කර්මාන්තය සම්පූර්ණයෙන්ම වෙනස් වෙමින් පවතින මේ අවස්ථාවේ, Curious Refuge වැනි පාසල් හොලිවුඩ් නව පරම්පරාවට AI-සූදානම් කුසලතා ලබාදෙමින් අනාගත නිර්මාණකරුවන්ට නව මංපෙත් විවෘත කරමින් සිටී.