Uber Eats යුරෝපයේ නව වෙළඳපොළ 7කට

ඇමරිකානු තාක්ෂණ සමාගමක් වන Uber, තම Uber Eats ආහාර බෙදාහැරීමේ ව්‍යාපාරය 2026 වසර තුළ යුරෝපයේ නව රටවල් 7කට ව්‍යාප්ත කිරීමට සැලසුම් කර ඇති බව වාර්තා කරයි. මෙම ව්‍යාප්තිය Czech Republic, Greece, Romania, Austria, Denmark, Finland සහ Norway වැනි රටවල් ඇතුළත් වේ. Uber සමාගම මෙම පියවර හරහා ඉදිරි වසර 3 තුළ අමතර ඩොලර් බිලියන 1කට ආසන්න gross bookings ප්‍රමාණයක් ලබා ගැනීමට බලාපොරොත්තු වෙයි. Uber හි delivery අංශයේ ගෝලීය ප්‍රධානියා වන Susan Anderson පවසන්නේ යුරෝපයේ food-delivery වෙළඳපොළ තවමත් විශාල වර්ධන හැකියාවක් ඇති අතර, පාරිභෝගිකයන්ට වඩා හොඳ වටිනාකමක් සහ වේගවත් සේවාවක් ලබාදීමට සමාගම සූදානම් බවයි. Covid-19 සමයේදී online food delivery සේවාවන්ට ඉහළ ඉල්ලුමක් ලැබුණු අතර, පසුව එම වර්ධනය මඳක් මන්දගාමී වුවද, නාගරික ජීවන රටාව සහ digital භාවිතය ඉහළ යාමත් සමඟ මෙම ක්ෂේත්‍රය ස්ථාවරව ඉදිරියට යමින් පවතින බව විශ්ලේෂකයන් පෙන්වා දෙයි. විශේෂයෙන් Eastern Europe සහ Nordic කලාපයේ online delivery penetration තවමත් බටහිර යුරෝපයට වඩා අඩු බැවින්, දිගුකාලීන වර්ධන අවස්ථාවක් පවතින බව Uber විශ්වාස කරයි.

මෙම ව්‍යාප්තිය Uber Eats ව්‍යාපාරය Deliveroo, Just Eat Takeaway සහ Glovo වැනි ප්‍රබල යුරෝපීය තරඟකරුවන් සමඟ තරඟ කිරීමට තවදුරටත් ශක්තිමත් කරයි. Uber සමාගම පසුගිය දිනවල Turkey හි Getir සමාගමේ delivery අංශය අත්පත් කර ගැනීමට එකඟ වූ අතර, එයද තම ජාත්‍යන්තර ව්‍යාප්තිය වේගවත් කිරීමේ උත්සාහයක කොටසක් ලෙස සැලකේ. Uber Eats මේ වනවිට ආහාර පමණක් නොව groceries, pharmacy items සහ convenience goods ද බෙදාහැරීමට යොමු වී ඇත. මෙම විවිධාකාරී වූ business model එක හරහා පාරිභෝගිකයන්ගේ දෛනික අවශ්‍යතා එකම platform එකක් තුළින් සපුරාලීම සමාගමේ දිගුකාලීන අරමුණයි. ඉදිරියේදී Uber, AI සහ data analytics භාවිතා කර delivery efficiency වැඩි කිරීම, delivery time අඩු කිරීම සහ restaurants හා merchants සඳහා වඩා හොඳ business insights (විශ්ලේෂනාත්මක දත්ත) ලබාදීම වැනි ක්ෂේත්‍රවලද වැඩි අවධානය යොමු කිරීමට නියමිතය. මෙම පියවර යුරෝපයේ යුරෝ බිලියන ගණනක් වටිනා food delivery වෙළඳපොළ තුළ තරඟය තවදුරටත් උණුසුම් කරන අතර, Uber සමාගමට ගෝලීය වශයෙන් තම delivery ව්‍යාපාරය ශක්තිමත් කිරීමට වැදගත් පියවරක් ලෙස සැලකේ.