Apple CEO පුටුවෙන් සමුගන්නා Tim Cook

Apple සමාගම නායකත්ව මාරුවක් ප්‍රකාශයට පත් කරමින්, 2026 සැප්තැම්බර් 1 වන දින සිට ටිම් කුක් (Tim Cook) Executive Chairman ලෙස පත්වීමට සහ ජෝන් ටර්නස් (John Ternus) නව ප්‍රධාන විධායක නිලධාරී (CEO) ලෙස කටයුතු කිරීමට නියමිත බව දැනුම් දී ඇත. මෙම මාරුව සමාගමේ මණ්ඩලය විසින් අනුමත කර තිබේ. John Ternus යන බොහොමයක් දෙනෙක්ට අලුත් නමක් ලෙස හැඟුනද, Apple keynotes තුල නිතරම අප දැක ඇති පුද්ගලයෙකි. Tim Cook, ඉදිරි මාස කිහිපය පුරා CEO තනතුරෙහි රැඳෙමින් මෘදු මාරුවක් (Soft Transfer) සිදු කිරීම සහ සමාගමේ නව භූමිකාවට අනුග්‍රහය දැක්වීම සඳහා කටයුතු කරනු ඇත. ඒ අතර, ඔහු ගෝලීය ප්‍රතිපත්ති නිර්මාණකරුවන් සමඟ සම්බන්ධව කටයුතු කරමින් සමාගමේ උසස් මට්ටමේ සහයක් ලබා දීමට නියමිතයි.

1998 දී Apple සමාගමට එක්ව 2011 දී CEO තනතුරට පත්වූ Tim Cook මහතා, සමාගමේ විශාල වර්ධනයක් සිදු කිරීමට භූමිකාව සකස් කල අතර පුළුල් වපසරියක් නිරීක්ෂණය කළේය. ඔහුගේ නායකත්වය යටතේ Apple Watch සහ AirPods වැනි නව නිෂ්පාදන කාණ්ඩ හඳුන්වා දී, සේවා ව්‍යාපාරය පුළුල් කරමින් ගෝලීය වෙළඳපොළේ සමාගමේ ස්ථානය තහවුරු කරගත්තේය. එසේම, Apple නිර්මාණය කළ silicon chips (M series) මාරුවක් මෙහෙයවීම සහ පෞද්ගලිකත්වය, ස්ථායීත්වය (sustainability)සහ ප්‍රවේශගතභාවය (accessibility) වැනි මූලික අගයන්ට අවධානය යොමු කිරීමද ඔහුගේ නායකත්වයේ විශේෂාංග වේ.

John Ternus, 2001 සිට Apple සමඟ එක්ව සිටින අතර, මේ වන විට Hardware Engineering හි ජ්‍යෙෂ්ඨ උප සභාපති (Senior Vice President) ලෙස කටයුතු කරයි. ඔහු iPhone, Mac සහ iPad වැනි මූලික නිෂ්පාදන සංවර්ධනයේ ප්‍රධාන භූමිකාවක් ගෙන ඇත. 2021 සිට Apple හි විධායක කණ්ඩායමේ සාමාජිකයෙකු ලෙස කටයුතු කරන Ternus, CEO ලෙස පත්වීම සමඟ, සමාගමේ මණ්ඩලයටද එක්වීමට නියමිතයි.

ඒ අතර, Arthur Levinson මහතා Chairman තනතුරෙන් Lead Independent Director තනතුරට පත්වීමට නියමිත අතර, මෙම මාරුව සමාගමේ නායකත්වයේ සැලසුම් කළ මාරුවක් ලෙස සැලකේ. Tim Cook තවදුරටත් සමාගමේ තාක්ෂණික සහ ප්‍රතිපත්තිමය මට්ටමේ බලපෑම් දැක්වීමට කටයුතු කරන අතර, Ternus දෛනික මෙහෙයුම් කළමනාකරණය, CEO ලෙස භාරගනු ඇත.